Ең жоғары ұшу салмағы 0,25 кг және одан асатын пилотсыз әуе кемесі бар пилотсыз авиациялық жүйелер және ең жоғары пилотсыз әуе кемесі бар пилотсыз авиациялық жүйелерді қоспағанда, дербес деректерді және (немесе) құпия ақпаратты жинауды жүзеге асыруға қабілетті техникалық құралдармен жарақтандырылған пилотсыз әуе кемесі жүйесінің құрамына кіретін пилотсыз әуе кемесінің ең жоғары ұшу массасына қарамастан барлық пилотсыз авиациялық жүйелер есепке алынуға жатады ұшу массасы 750 кг және одан жоғары, осы Қағидалардың 2-тарауында айқындалған тәртіппен мемлекеттік тіркеуге жатады.

Пилотсыз авиациялық жүйесі есепке алынған кезде уәкілетті ұйым осы Қағидаларға 11-қосымшаға сәйкес нысан бойынша 5 (бес) жыл мерзімге немесе жалдау шартының қолданылу мерзіміне пилотсыз авиациялық жүйесін есепке қою туралы куәлікті береді.

Есепке қою кезінде уәкілетті ұйым пилотсыз авиациялық жүйесіне борттық нөмірді береді.

Берілген борттық нөмір жеті белгіден тұрады және судың әсері кезінде нөмірдің сақталуы мен оқылуын қамтамасыз ететін тәсілмен пилотсыз әуе кемесіне кемінде 5 мм қаріппен жазылады.

Ең жоғары ұшу массасы 0,25 кг-нан 1,5 кг-ға дейінгі "ерекше" санатындағы операцияларды орындайтын пилотсыз әуе кемесіне таңбалау үш жерде, ал салмағы 1,5 кг-дан асатын пилотсыз әуе кемелері үшін бес жерде жазылады.

Берілген борттық нөмір мынадай ақпаратты қамтиды:

1) Қазақстан Республикасының тиесілігі – "Q";

2) ең жоғары ұшу массасының жіктеуіші;

3) конструкция типінің жіктеуіші;

4) есептік нөмірі.

Борттық нөмірді пилотсыз әуе кемесінің иесі оны пайдалануды бастағанға дейін жазады.

Пилотсыз авиациялық жүйені тіркеу кезінде уәкілетті ұйым азаматтық және эксперименттік әуе кемелеріне мемлекеттік, тіркеу тану және қосымша белгілерді салу тәртібіне сәйкес пилотсыз әуе кемесіне қолданылатын мемлекеттік және тіркеу тану белгілерін береді.

Пилотсыз авиациялық жүйесін есепке алу уәкілетті ұйымымен Қазақстан Республикасы азаматтық авиациясының пилотсыз авиациялық жүйелерінің тізілімінде (бұдан әрі – Пилотсыз авиациялық жүйелердің тізілімі) жүргізіледі.

Пилотсыз авиациялық жүйесін есепке алу нөмірлері олардың пилотсыз авиациялық жүйесін есепке алу Пилотсыз авиациялық жүйелердің тізіліміндегі реттік нөмірлеріне сәйкес келуі тиіс.

Пилотсыз авиациялық жүйелердің тізілімін жүргізу осы Қағидаларға 12-қосымшаға сәйкес нысан бойынша қағаз түрінде жүргізіледі. Тиісті қорғалған бағдарламалық өнім болған жағдайда Пилотсыз авиациялық жүйелердің тізілімі қайталау мүмкіндігімен электронды тасығыштарда жүргізіледі. Егер қағаз және электронды тасығыштардағы жазбалар арасында сәйкессіздіктер болса қағаз тасығыштағы жазба басым болады.

 Пилотсыз авиациялық жүйесін есепке алу, сонымен бірге есептен шығару мерзімі 30 (отыз) жұмыс күнін құрайды.

Өтінімді қарау мерзімі және пилотсыз авиациялық жүйені тіркеу туралы куәлік беру мерзімі 30 (отыз) жұмыс күнін құрайды.

Пайдалану мақсатында пилотсыз авиациялық жүйесін сатып алатын адамдар уәкілетті ұйымның кеңсесіне не мынадай құжаттарды қоса бере отырып, пилотсыз авиациялық жүйесін сатып алған немесе Қазақстан Республикасының аумағына әкелген күннен бастап 10 (он) жұмыс күні ішінде осы Қағидаларға 13-қосымшаға сәйкес нысан бойынша пилотсыз авиациялық жүйесін есепке алуға арналған өтінімді уәкілетті ұйымның электрондық поштасына ұсынады:

1) құрылтай құжатының көшірмесі (шетелдік заңды тұлғалар үшін) немесе жеке басты куәландыратын құжат (шетелдік жеке тұлғалар үшін);

2) сатып алу-сату шартының көшірмесі немесе меншік құқығын растайтын өзге де құжат не сот шешімі;

3) жалдау, лизинг, мүліктік жалдау шартының көшірмесі, пилотсыз авиациялық жүйесін пайдалану құқығын растайтын өзге де құжат;

4) ұшқышсыз авиациялық жүйесінің типі мен сериялық (зауыттық) нөмірі, қозғалтқыштың нөмірі (қозғалтқыш нөміріне қол жеткізу болған кезде) және сыртқы пилот станциясының нөмірі (болған кезде) (паспорт);

5) пилотсыз авиациялық жүйенің пилотсыз әуе кемесімен ұшқышсыз ұшу массасына сәйкес техникалық сәйкестігі туралы декларацияның уәкілетті ұйыммен келісілген көшірмесі немесе азаматтық авиация саласындағы уәкілетті ұйым берген сәйкестік сертификаты немесе азаматтық авиация саласындағы уәкілетті ұйым берген дананың сәйкестік куәлігі;

6) пилотсыз авиациялық жүйені (пилотсыз авиациялық жүйе шет мемлекеттің есебінде болған жағдайда) шет мемлекеттің есебінен шығару туралы куәлік.

Пилотсыз авиациялық жүйесін есепке қою туралы куәлікке және Пилотсыз авиациялық жүйелердің тізіліміне өзгерістер енгізуді уәкілетті ұйымымен мынадай жағдайларда:

1) пилотсыз авиациялық жүйесінің меншік иесі (иеленушісі) және (немесе) оның атауы және (немесе) оның тегі, аты, әкесінің аты (ол болған жағдайда) өзгергенде;

2) пилотсыз авиациялық жүйесін пайдаланушының және (немесе) оның атауының өзгеруі;

3) пилотсыз авиациялық жүйесін есепке қою туралы куәліктің қолданылу мерзімі өткен кезде жүзеге асырылады.

Пилотсыз авиациялық жүйесін есепке қою туралы куәлікке және Пилотсыз авиациялық жүйесінің тізіліміне өзгерістер енгізу кезінде өтініш берушілер уәкілетті ұйымның кеңсесіне немесе электрондық поштасына осы Қағидаларға 13-1-қосымшаға сәйкес нысан бойынша Пилотсыз авиациялық жүйесін есепке қою туралы куәлікке және Пилотсыз авиациялық авиациялық жүйесінің тізіліміне өзгерістер енгізуге өтінімді мынадай құжаттарды қоса бере отырып ұсынады:

1) Пилотсыз авиациялық жүйесінің тізіліміне есепке қою туралы куәліктің түпнұсқасы;

2) Осы Қағидалардың 60-тармағының 1), 2), 3) және 5) тармақшаларында көзделген құжаттар.

Пилотсыз авиациялық жүйесін есептен шығару кезінде өтініш беруші уәкілетті ұйымға мыналарды ұсынады:

1) осы Қағидаларға 14-қосымшаға сәйкес нысан бойынша пилотсыз авиациялық жүйесін есептен шығару туралы өтініш;

2) құрылтайшылық құжаттың (заңды тұлғалар үшін) көшірмесі немесе жеке басты куәландыратын құжат (жеке тұлғалар үшін);

3) сату-сатып алу шартының нотариалды куәландырылған көшірмесі, сот шешімі немесе меншік құқығын растайтын өзге де құжат;

4) жалдау, лизинг, мүліктік жалдау шартының, пилотсыз авиациялық жүйесін пайдалану құқығын растайтын өзге де құжаттың нотариалды куәландырылған көшірмесі;

5) пилотсыз авиациялық жүйесін есепке алу куәлігінің түпнұсқасы.

Ұсынылған құжаттар сәйкес болған жағдайда уәкілетті ұйым өтініш берушіге осы Қағидалардың 15-қосымшасына сәйкес Пилотсыз авиациялық жүйені есептен шығару туралы куәлікті береді.

Пилотсыз авиациялық жүйесін есепке алу, сондай-ақ есепке алудан бас тарту туралы куәлікке және Пилотсыз авиациялық жүйесінің тізіліміне өзгерістер енгізу үшін негіздер болып табылады:

1) көрсетілетін өтініш берушінің ұсынған құжаттардың және (немесе) олардағы деректердің (мәліметтердің) анық еместігін анықтау;

2) көрсетілетін өтініш берушінің және (немесе) Пилотсыз авиациялық жүйесін есепке алу куәлігін алуға қажетті ұсынылған материалдардың осы Қағидалардың 64-тармағында белгіленген жағдайға сәйкес келмеуі;

3) көрсетілетін өтініш берушіге қатысты оның авиациялық қызметіне немесе оның жекелеген қызмет түріне тыйым салу туралы соттың заңды күшіне енген шешімінің (үкімінің) болуы;

4) көрсетілетін өтініш берушіге қатысты соттың заңды күшіне енген үкімінің болуы, оның негізінде көрсетілетін өтініш берушінің есепке алу куәлігін алумен байланысты арнаулы құқығынан айырылуы.

Есепке алу куәлігін беруден бас тарту жазбаша түрде өтініш келіп түскен күннен бастап 15 (он бес) жұмыс күні ішінде жүзеге асырылады.

Анықталған кемшіліктер түзетілгеннен кейін өтініш беруші уәкілетті ұйымға пилотсыз авиациялық жүйесін есепке алу, сондай-ақ Пилотсыз авиациялық жүйесін есепке алу туралы куәлікке және Пилотсыз авиациялық жүйесінің тізіліміне өзгерістер енгізу үшін уәкілетті ұйымға қайта жүгінеді.