Кувейттің лоукостер әуе компаниясы Кувейттен Түркістанға жаңа рейс ашты, - деп хабарлайды Tengritravel.kz тілшісі Индустрия және инфрақұрылымдық даму министрлігінің баспасөз қызметіне сілтеме жасап.

"Азаматтық авиация комитеті Қазақстанға/Қазақстаннан келетін рейстердің санын одан әрі ұлғайту және ұшу географиясын кеңейту бойынша жұмыс жүргізуде. Қазақстан Республикасы мен Кувейт Мемлекетінің авиациялық билігі арасында қол жеткізілген уағдаластықтардың негізінде Кувейттің лоу-кост. Jazeera Airways әуе компаниясы 3 желтоқсаннан бастап Кувейт-Түркістан бағыты бойынша рейстерді жүзеге асыруды жоспарлап отыр», - деп хабарлады MIIR.