30/01/2026
Шешімді Халықаралық Азаматтық авиация Ұйымының Бас хатшысы қабылдады
Қазақстан Республикасы Көлік министрлігі Азаматтық авиация комитетінің төрағасы Салтанат Томпиева Халықаралық Азаматтық авиация Ұйымының Бас хатшысы Хуан Карлос Салазардың шешімі бойынша ИКАО елшілерінің жаһандық бағдарламасы шеңберінде Елші болып тағайындалды, деп хабарлайды іскерлік ақпарат орталығы Kapital.kz КГА баспасөз қызметіне сілтеме жасай отырып.
Қазақстан өкілі 56 мемлекетті біріктіретін ИКАО еуропалық және Солтүстік Атлантикалық Өңірлік бюросы (EUR/NAT) шеңберінде іріктелді.
ИКАО елшісі ретінде Салтанат Томпиева азаматтық авиацияны дамытудың негізгі бағыттары бойынша хабардарлықты арттыруға, оның ішінде авиация саласының тұрақты өсуіне, білікті авиация мамандарын даярлауға және тартуға, сондай-ақ әйелдер мен жастардың секторға қатысуын кеңейтуге ықпал ететін болады.
Бұл қызмет ерікті негізде және Біріккен Ұлттар Ұйымы мен ИКАО-ның Тәуелсіздік, бейтараптық және этика қағидаттарына қатаң сәйкес жүзеге асырылатын болады.