Тегін тамақтандыру, жолаушыларды қонақүйде орналастыру, тіпті билеттің толық құнын қайтару – рейс кезінде қиындықтар туындаған жағдайда авиакомпаниялар көрсетуге міндетті қызметтер. Іс жүзінде бұл жұмыс істемеді. Тұтынушылардың құқықтарын қорғау үшін Қазақстан әуе жолаушыларының құқықтарын кеңейтті. Бұл туралы «Қазақстанның авиациялық әкімшілігі» АҚ хабарлады. Дегенмен, мамандар әлі де нормаларды пысықтау керек деп есептейді, деп хабарлайды «Хабар 24» тілшісі. Елорда әуежайындағы әуе компанияларының бірінің кассасындағы жағдай шиеленісіп тұр. Ашуды түсінуге болады. Жолаушылар 3 сағат бұрын кетуі керек еді. Алайда рейс әуелі кейінге шегеріліп, кейін мүлде тоқтатылды. Әлеуметтік желіде осыған ұқсас ондаған видеолар бар. Мәселе тек елордаға ғана қатысты емес.