ИКАО Ассамблеясының 42-сессиясы аясында Қазақстан Республикасы Көлік министрлігі Азаматтық авиация комитетінің төрағасы Салтанат Томпиева жапон делегациясының басшысы Риека Накаяма, Жапонияның Халықаралық авиация вице-министрінің орынбасары Риека Накаяма және Жапонияның ИКАО-дағы Тұрақты өкілі Тошиюки Онумамен кездесті.

Кездесуде елдер арасындағы әуе қатынасы талқыланып, атап айтқанда Қазақстан мен Жапония арасындағы құқықтық база тұрақты әуе қатынасына мүмкіндік беретіні айтылды. 2019–2020 жылдары SCAT әуе компаниясы Астанадан Токиоға рейстерді сәтті орындап, елдер арасындағы тікелей әуе қатынасының әлеуеті мен сұранысын көрсетті.

Іскерлік, туризм және мәдени алмасуларды нығайтуға қызығушылықтың артуына байланысты Қазақстан Жапониямен тікелей әуе қатынасын қалпына келтіруге қызығушылық танытты.

Өз кезегінде жапон тарапы әуе қатынасын нығайту және елдер арасындағы ынтымақтастықты одан әрі тереңдету үшін бірлескен күш-жігер қажеттігін білдірді. Алғашқы қадам жапондық тасымалдаушы мен қазақстандық Air Astana арасында тығыз ынтымақтастық орнату деп аталды. Бүгінгі таңда тараптар арасында коммерциялық келісімдер бар.