Ақтау халықаралық әуежайында жолаушыларға қызмет көрсету сапасын арттыруға бағытталған «Үздік әуежай қызметі» пилоттық жобасы аясында қызметкерлерді марапаттау рәсімі өтті.
Жобаға әуежай қызметтері, жолаушыларға қызмет көрсетумен айналысатын қызмет провайдерлері және Ақтау халықаралық әуежайында бақылау функцияларын жүзеге асыратын мемлекеттік органдар қатысты.
Марапаттау рәсіміне ҚР КМ Азаматтық авиация комитетінің, Қазақстанның авиациялық әкімшілігінің, ҚР ҰҚК Шекара қызметінің, Мемлекеттік кірістер кеден қызметінің, ҚР Қаржы министрлігі комитетінің өкілдері, Желілік полиция бөлімі, Ақтау әуежайының басшылығы, «АТМА – Атырау әуежайы және тасымалдау» АҚ өкілі, әуе компанияларының өкілдері, сондай-ақ үздік кәсіби қызметкерлер қатысты.
2024 жылдың сәуір айынан бастап Ақтау халықаралық әуежайының жолаушыларына сауалнаманы толтыру және жолаушыларға қызмет көрсету аймақтарында қолжетімді QR кодын сканерлеу арқылы қызмет көрсетудің әр кезеңінде қызмет көрсету деңгейін бағалауға мүмкіндік берілді.
Жолаушылармен кері байланыс негізінде кемшіліктерді жою және әуежайда көрсетілетін қызметтердің сапасын арттыру бойынша шаралар тұрақты түрде қабылдануда. Сондай-ақ, Ақтау әуежайында жолаушыларға қызмет көрсетумен айналысатын барлық қызметкерлерге оқыту және түсіндіру шаралары өткізілді.
2024 жылдың тамыз айында Қазақстанның авиациялық әкімшілігінің авиациялық инспекторлары жолаушыларға қызмет көрсетумен айналысатын барлық қызметкерлерді қызмет көрсету деңгейін арттыру үшін жолаушылармен әдептілік, тиімді өзара әрекеттесу ережелері туралы қосымша ақпараттандыру мақсатында таныстыру семинарын өткізді.
Қыркүйекте «Air Astana» әуе компаниясы Ақтау әуежайының барлық қызметкерлеріне жолаушылармен қарым-қатынаста болатын қызмет көрсету бойынша оқу курсын ұйымдастырды.
Әуежай қызметкерлерін бағалау жүйесінің қорытындысы бойынша үздік қызметкерлерге «Air Astana», «Turkish Airlines», «Azal», «Aeroflot», «SCAT» және «Fly Arystan» авиакомпанияларының бағалы сыйлықтары мен естеліктер табыс етілді.
«Үздік әуежай қызметі» жобасы одан әрі жалғасады. 2025 жылға арналған жоспарларда осы бағыттағы жаңа бастамалар көп. Ақтау әуежайы жөнелту және ұшып келу пункті ғана емес, сонымен қатар жолаушылар өздерін қамқорлық, жайлы және қауіпсіз сезінетін орын болуға ұмтылады.