Пайдаланушылардың барлық санаттарының әуе кеңістігін пайдалануды оңтайландыруды қамтамасыз етудегі жалпы күш-жігерді үйлестіру үшін азаматтық органдар мен Қорғаныс министрлігінің және басқа да күштік ведомстволардың құрылымдық бөлімшелері арасындағы ынтымақтастықты жақсартуға бағытталған әскери-азаматтық үйлестіру бөлігіндегі мерзімді кездесулер шеңберінде авиациялық әкімшілік алаңында әуе кеңістігін ұшқышсыз авиациялық жүйелермен пайдалануға жауапты мемлекеттік органдардың қатысуымен кеңес ұйымдастырылды.

Кеңесте интеграция процесінің негізгі қатысушылары анықталды, технологиялық және нормативтік проблемалар мен қауіпсіз интеграцияның ықтимал тәсілдері айқындалды.

Қатысушылар ұшқышсыз авиацияны әуе кеңістігіне интеграциялау оларды бейімдеудің орындылығы мен әуе кеңістігін пайдалану саласындағы ұлттық ерекшелікті ескере отырып, халықаралық нормалар мен тенденциялармен үйлестірілуі керек екенін атап өтті.

Ұшқышсыз авиациялық жүйелердің әуе кеңістігіне интеграциясы ұшқышсыз авиациялық жүйелерді пайдалану үшін қолданыстағы нормативтік базаны бейімдеу арқылы жүргізілуге тиіс екендігі атап өтілді, онда ұшулар қауіпсіздігінің қазіргі деңгейін сақтау негізгі қағидат болады.

Мемлекеттік құрылымдардың өкілдері ұшқышсыз авиацияның әуе кеңістігіне интеграциялану проблемасы салааралық болып табылатынын және ҚР әуе кеңістігін пайдалану және авиация қызметі туралы Заңның қолданылу саласында ғана емес бірқатар нормативтік-құқықтық актілерге өзгерістер мен толықтырулар енгізуді талап ететінін атап өтті.

Өткізілген жиналыс қатысушыларға өз ұсыныстарын ұсынуға және даму перспективаларын талқылауға мүмкіндік берді.