«Қазақстанның авиациялық әкімшілігі» АҚ Бас директорының авиациялық қауіпсіздік жөніндегі орынбасары Дархан Еспотанов бастаған қазақстандық делегация және «Алматы халықаралық әуежайы» АҚ өкілдері Сауд Арабиясы Корольдігінің Эр-Рияд қаласында өтіп жатқан Saudi Airport Exhibition іс-шарасына қатысуда.
«Saudi Airport Exhibition» көрмесі аясында авиацияның жаһандық мәселелері жөніндегі конференция және болашақ әуежайларды дамыту жөніндегі саммит бір мезгілде өтуде. Конференция жұмысына әлемдік авиация сарапшылары мен қызмет көрсетушілерді, сондай-ақ Сауд Арабиясы, Біріккен Араб Әмірлігі, Катар елдерінің көлік және авиация саласы басшыларын қоса алғанда, 500 қатысушы қатысуда. Конференция бағдарламасы саланың соңғы инновацияларына, идеялары мен мәселелеріне арналған негізгі баяндамалар мен панельдік пікірталастарды қамтиды, соның ішінде: Сауд Арабиясының 2030 жылғы көзқарасын жүзеге асырудағы авиация өнеркәсібінің рөлі; Ковидтен кейін авиация саласын қалпына келтіру; Инновациялар мен күйзелістер жағдайында әуежайдың болашағын жоспарлау; Ертеңгі әуежайларды дайындау барысындағы жолаушыларға бағытталған ойлау; Авиациядағы цифрлық инновациялар мен даму; Авиацияның өсуін ынталандырудағы жеке сектордың рөлі; Әуе қозғалысын басқарудың сенімді және тұрақты жүйелерін әзірлеу; Цифрлық, пандемия және дағдарыс дәуіріндегі әуежайлардың қауіпсіздігі.
Екіжақты кездесулер барысында Қазақстандық делегация авиациялық қауіпсіздік және киберқауіпсіздік бағыты бойынша қызмет көрсетушілермен келіссөздер жүргізді, онда авиациялық қауіпсіздікке қатер төндіретін мәселелер, сондай-ақ аса маңызды авиациялық инфрақұрылымды қорғау үшін сенімді киберқауіпсіздік шараларын қабылдау қажеттігі талқыланды.
Сонымен қатар, Эр-Рияд әуежайының өкілдерімен келіссөздер барысында: жолаушыларға қызмет көрсету, багажды және жүктерді өңдеу кезінде ұшу қауіпсіздігін және авиациялық қауіпсіздікті қамтамасыз ету бағыттары бойынша өзара іс-қимыл туралы келісімге қол жеткізілді. Тараптар ИКАО Халықаралық азаматтық авиация ұйымы жариялаған, Формальдылықты жеңілдету жылы шеңберінде екіжақты байланыстар жүргізуге мүдделі екенін атап өтті.
Әлемдік авиация көшбасшыларының алған білімі мен тәжірибесі отандық сарапшыларға Қазақстандық авиация саласының алдында тұрған қауіп-қатерлер мен сын-қатерлерге барабар және уақтылы әрекет етуге мүмкіндік береді.
Saudi Airport Exhibition-әуежайларды ауқымды кеңейту мен жаңартуға арналған ең ірі мамандандырылған іс-шара. Іс-шара келушілерге әлемдік көшбасшылармен және сала сарапшыларымен кездесуге және араласуға, жолаушылар тәжірибесін қалыптастыратын соңғы инновациялар мен технологиялармен танысуға арналған көптеген алаңдарды ұсынады.