ҚР ИИДМ Азаматтық авиация комитеті мен Қазақстанның авиациялық әкімшілігі Хуснутдинов Халил Ғалиұлының мезгілсіз дүниеден өтуіне байланысты марқұмның туған-туыстары мен жақындарының қайғыларына ортақтасып көңіл айтады.
31/08/2021
Халил Ғалиұлы “Қазақстанның авиациялық әкімшілігі” АҚ Жеңіл әуе кемелері жөніндегі басқарма басшысы – Бас авиациялық инспекторы болды.
Үлкен кәсіби және еңбек сіңірген авиатор, авиация саласында 57 жылдық жұмыс тәжірибесі бар. Әр жылдары КСРО азаматтық авиациясында және Қазақстан әуе компанияларында командалық-басшылық лауазымдарда жұмыс жасады, Ми-1, Ми-4, Ми-8 тікұшақтарының командирі болды.
Азаматтық авиация комитетінде Хуснутдинов Халил 2019 жылдан бері еңбек етіп келеді.
Кәсібилігі, еңбек жетістіктері және азаматтық авиация саласын дамытуға қосқан үлесі үшін ведомстволық награда – “Құрметті авиатор” төсбелгісімен марапатталды.
Халил Ғалиұлының жарқын бейнесі біздің жүрегімізде мәңгі сақталады.