Ағымдағы жылдың көктемінде QAZAQ AIR әуе компаниясы Қазақстанның авиациялық әкімшілігімен De Havilland Dash-8 400 үлгісіндегі ұшақтардың пайдаланылатын түріне арналған авиациялық техникаға техникалық қызмет көрсету және жөндеу бойынша сәтті сертификатталды. Осылайша, QAZAQ AIR техникалық қызмет көрсету қызметін іске қосу бойынша дайындық жұмысы аяқталып, өз ресурстарымен тікелей қызмет көрсету басталды.

Қазақстанның авиациялық әкімшілігінің бас директоры Питер Гриффитс: “Бұл Қазақстанда пайдаланылатын барлық коммерциялық ұшақтарды репатриациялауға жасалған алғашқы қадам, оны аяқтауға шамамен бес жыл қажет болады. Qazaq air тіркеуді аяқтады, және көп ұзамай біз екі кезеңдік процесс арқылы өтетін Air Astana флотына көшеміз, алдымен Ирландияда тіркеледі, содан кейін 2024 жылдан бастап Қазақстанда жаңа ұшақтар тіркеледі деп күтілуде”.

Осы сертификаттаудан кейін QAZAQ AIR әуе кемелерінің қазақстандық тіркеліміне флотты қайта тіркеуге кірісті. Әуе кемесінің мемлекеттік тіркеу нөмірі – әуе кемесіне оны мемлекеттің авиациялық тізіліміне енгізу рәсімі аяқталғаннан кейін берілетін сәйкестендіру нөмірі. Бүгінге QAZAQ AIR бүкіл әуе флотында жаңартылған авиациялық тіркеу префиксі – UP (Қазақстанның азаматтық авиациясы) бар.

Қазақстанның авиациялық әкімшілігі мен QAZAQ AIR тобының бірлескен үйлесімді жұмысының арқасында әуе кемелері пайдалануды тоқтаусыз қайта тіркелді. Осылайша, қолданыстағы ұшу кестесіне әсер аз болды.

Орташа алғанда, әрбір әуе кемесі кестеден үш күнге дейін шығарылды. Осы кезеңде QAZAQ AIR инженерлері радиомаяк жабдығын қайта тіркеу жұмыстарын жүзеге асырып, мемлекеттік сәйкестендіру белгілерін жаңартты. Мемлекеттік қадағалау органдарының инспекторлары толық аудитті алдын ала жүргізді және ұшуға жарамдылық сертификатын бере отырып, әуе кемелеріне техникалық тексеру жүргізді.

“1 тамыздан бастап QAZAQ AIR ұшақтарының барлығы қазақстандық тіркеуден өтіп, сертификатталған техникалық қызмет көрсету станциясында қызмет көрсетуде. Әуе компанияның Қазақстанның реттеуші органдарының қадағалауымен әуе кемелеріне техникалық қызмет көрсетудегі тәуелсіздігі ұзақ мерзімді перспективамен жергілікті инженерлік құрамды дамытуға мүмкіндік береді. QAZAQ AIR жолаушыларымыз үшін қол жетімді әуе тасымалын тиімді дамыту және қамтамасыз ету үшін ішкі локализациясын одан әрі жалғастыратын болады” – “QAZAQ AIR” АҚ басқарма төрағасы Пламен Атанасов.