Директорлар кеңесінің шешімімен Каталин Раду "Қазақстанның авиациялық әкімшілігі" АҚ Бас директоры болып тағайындалды.

Каталин Радудың азаматтық авиация саласында үлкен тәжірибесі бар. ИКАО Халықаралық азаматтық авиация ұйымы директорының ұшу қауіпсіздігі жөніндегі орынбасары, ИКАО 37-ші Ассамблеясының бірінші вице-президенті лауазымдарын атқарған.

Каталин Раду Румынияның Көлік министрлігінде бірқатар атқарушы және басқарушы лауазымдарды атқарды. Еуропалық деңгейде ұшу қауіпсіздігі және халықаралық авиациялық ұйымдар саласында 25 жылдан астам тәжірибесі бар. Сондай-ақ ECAC Еуропалық азаматтық авиация конференциясының президенті, ЕУРОБАҚЫЛАУ вице-президенті және ECAC қауіпсіздік мәселелері жөніндегі үйлестірушісі болды. Сонымен қатар, ол USOAP/SMS/SSP бойынша жоғары деңгейдегі конференцияның төрағасы қызметін атқарды, ұшу қауіпсіздігі қорының негізін қалаушы мүшесі болып табылады.