2024 жылы 5 наурызда ҚАӘ Халықаралық стандарттау ұйымы (ISO) белгілеген стандарттарға сәйкес сапа менеджменті жүйесін (СМЖ) әзірлеуге және енгізуге сертификаттаудан сәтті өтті.

ISO стандарттары бүкіл әлемде қабылданған және оны мыңдаған адамдар, клиенттер, жеке тұлғалар, мемлекеттік органдар және кез келген жергілікті реттеушілер оңай мойындайды. Құрылған сәттен бастап ҚАӘ сапа менеджменті жүйесін енгізу, өзінің бизнес-процестерін стандарттау, жалпы қызметті жақсарту және жетілу жолында тұрақты даму бастамалары үшін берік негізді қамтамасыз ету туралы стратегиялық шешім қабылдаған еді. СМЖ енгізу техникалық қадағалау мен бақылауды жоспарлау және жүзеге асыру, регламенттер жасау, ресурстық қамтамасыз ету процестері сияқты негізгі ұйымдастырушылық процестерді (бизнес-операциялардың тиімділігі) оңтайландыруға және біріздендіруге мүмкіндік берді.

ҚАӘ өзінің СМЖ сертификаттау арқылы келесі міндеттемелерін көрсетеді:

• индустрия ойыншыларының, серіктестеріміздің және біздің акционерлеріміздің (клиенттердің қанағаттануы) күткеніне сәйкес келетін немесе одан асатын жоғары сапалы және дәйекті қызметтерді үнемі ұсынуға ұмтылу,

• ҚАӘ басқарудағы процестік және жүйелік тәсілге (процестерді оңтайландыру және олардың тиімділігін арттыру үшін),

• ашықтық қағидаттарын және тұрақты жетілдіру мәдениетін сақтауға жәрдемдесу,

• нормативтік және халықаралық талаптарға сәйкес келу.

ISO сертификаты өндірістік процестердің, қызметтердің және құжаттаманың келесі қызмет саласын жүргізу үшін ISO 9001 ұлттық стандартының талаптарына сәйкестігін растайды:

• азаматтық авиация саласындағы нормативтік құқықтық актілердің жобаларын әзірлеуге қатысу;

• азаматтық авиация саласындағы қызметті жүзеге асыратын жеке және заңды тұлғаларды сертификаттау бойынша мемлекеттік қызметтер көрсету;

• ұшу қауіпсіздігі мен авиациялық қауіпсіздікті бақылау мен қадағалауды жүзеге асыруға;

• ұшу қауіпсіздігі мен авиациялық қауіпсіздігі мәселелері бойынша шет мемлекеттердің авиациялық билігімен және мамандандырылған халықаралық ұйымдармен халықаралық ынтымақтастық.

Бұдан басқа, сертификаттау тәуекелдерді басқару жүйесін енгізуге және ҚАӘ қызметінің саласына және оның мақсаттарына байланысты мүмкіндіктерді іске асыруға ықпал ететін болады. СМЖ-ны сәтті сертификаттау нәтижесінде және ҚР СТ ISO 9001-2016 стандартына сәйкестікті тұрақты қолдау жағдайында беделді тәуекелдер деңгейінің төмендеуі және сенімді серіктес ретінде Орталық Азия өңірінде авиациялық реттеуші брендтің құндылығының артуы күтілуде.

Сәйкестік сертификатын мына жерден жүктей аласыз.

Қосымша ақпарат алу үшін ҚАӘ сапа және стандарттарға сәйкестік басқармасына хабарласыңыз frontoffice@caa.gov.kz .