Астанада өткен ИКАО Авиациялық қауіпсіздік апталығы аясында Қазақстанның Авиациялық әкімшілігі үшін ИКАО Бас хатшысы Хуан Карлос Саласар мен ИКАО Еуропалық және Солтүстік Атлантикалық өңірлік бюросының директоры Николас Раллоның сапары ерекше маңызды болды.

Бұл біз үшін болашақ ынтымақтастықты, өзара іс-қимылдың жаңа бағыттары мен бірлескен жұмыстың келешегін талқылауға берілген құнды мүмкіндік болды. Сонымен қатар, Қазақстанның азаматтық авиациясын 2050 жылға дейін дамытудың шеберлік жоспарын (Мастер-план) әзірлеу жұмыстары мен алдағы аудиттерден өту мәселелері де талқыланды. Біз ИКАО-ның қолдауын және ашық кәсіби диалогты жоғары бағалаймыз.

ИКАО Авиациялық қауіпсіздік апталығын дайындау мен өткізудегі орасан зор жұмысы, жауапкершілігі мен кәсібилігі үшін ҚАӘ-нің бүкіл ұжымына ерекше алғыс білдіремін.

Бұл фотосуреттерде біздің ұжымның бір бөлігі ғана бейнеленген. Себебі бұл сәтте көбісі өз жұмыс орындарында тапсырмаларды орындауды жалғастырып жатты. Игі шараның табысты өтуінің артында әрқайсысының еңбегі тұр.

Ұжымымызды мақтан тұтамын және ортақ іске қосқан үлесі үшін әркімге ризашылығымды білдіремін!