Париждегі (Франция) ИКАО Еуропалық/Солтүстік Атлантикалық Бюросының (EUR/NAT) кеңсесінде ИКАО Аймақтық ұшу қауіпсіздігі тобының жетінші кезекті отырысы Ұшу қауіпсіздігін жоспарлау жөніндегі аймақтық жұмыс тобымен бірлесіп өтті. Бұл кездесудің алдында деректерді талдау және ұшу қауіпсіздік басымдықтарын анықтау бойынша ИКАО семинары өтті.

Бұл іс-шараларға EUR/NAT аймағына мүше елдердің авиациялық билік органдарының сарапшылары, соның ішінде Қазақстанның авиациялық әкімшілігінің Авиациялық тәуекелді бағалау жөніндегі аға инспекторы Арайлым Раймжанова және халықаралық және аймақтық ұйымдардың (EUROCONTROL, IFALPA, CANSO және ACI) өкілдері қатысты. Семинар ұшу қауіпсіздік жөніндегі талдаушыларға және ұшу қауіпсіздік бойынша деректер мен ақпаратты жинауға, өңдеуге, талдауға, сондай-ақ тәуекелдерді бағалауға және тиісті ұшу қауіпсіздік шараларына басымдық беруге қатысатын басқа сарапшыларға арналған.

Аймақтық ұшу қауіпсіздік тобының отырысында келесі мәселелер талқыланды: аймақтық ұшу қауіпсіздік тобының нәтижелерін талдау, EUR RASP 2023 сауалнамасының нәтижелерін талдау, EUR RASP 2023 енгізу бойынша есеп құрастыру, EUR RASP 2024 сауалнамасына дайындық, жүйелі ұшу қауіпсіздік мәселелері, ИКАО 19-қосымшаға өзгертулер, Жаһандық авиациялық қауіпсіздік жоспары бойынша ИКАО жаңартуы және басқа да ұшу қауіпсіздік мәселелері.