Қазақстанның авиациялық әкімшілігі (ҚАӘ) ИКАО-ның "Формальдылықты оңайлату" 9 қосымшасының 8.19 стандартын орындау шеңберінде ҚР ИИДМ Азаматтық авиация комитеті төрағасының орынбасары Ардақ Өтеповтың төрағалығымен және оның хатшысы, формальдылықты оңайлату департаментінің директоры Нұржан Малаевтың қолдауымен Халықаралық тасымалдар кезінде формальдылықты оңайлату жөніндегі ведомствоаралық комиссияның кезекті кеңесін өткізді.

Кеңеске ҚР ИИДМ Азаматтық авиация комитетінің, Ұлттық қауіпсіздік комитетінің Шекара қызметінің, Денсаулық сақтау министрлігінің, Төтенше жағдайлар министрлігінің, Сыртқы істер министрлігінің, Астана, Алматы, Атырау, Шымкент қалаларының әуежайларының өкілдері, сондай-ақ Эйр Астана, СКАТ және Қазақ Эйр авиакомпаниясының өкілдері қатысты.

Қазақстанның авиациялық әкімшілігінің құрылуына, сондай-ақ комиссия құрамындағы министрліктердің белгілі бір өкілдерінің өзгеруіне байланысты ведомствоаралық комиссияның құрамы жаңартылғанын атап өту қажет.

ИКАО-ның "Формальдылықты оңайлату" 9 қосымшасының 8.19 стандартына сәйкес әрбір уағдаласушы мемлекет әуе тасымалы кезінде формальдылықты оңайлату жөніндегі ұлттық комитетті және қажет болған жағдайда формальдылықты оңайлату жөніндегі әуежай комитеттерін немесе халықаралық азаматтық авиация қызметінің әртүрлі аспектілерімен айналысатын министрліктер, ведомстволар және мемлекеттің басқа да ұйымдары, сондай-ақ әуежайлар мен әуе кемелерін пайдаланушылар жүргізетін формальдылықты оңайлату жөніндегі жұмысты үйлестіру мақсатында ұқсас үйлестіруші органдарды құрады.

Ведомствоаралық комиссия бағдарламасының формальдылықты оңайлату мақсаты Уағдаласушы мемлекеттерді халықаралық тасымалдармен айналысатын әуе кемелеріне, сондай-ақ олардың жолаушыларына, экипаждары мен жүктеріне қатысты орындалуы тиіс шекарадан өтуге байланысты формальдылықтарды көздеуге және оңайлатуға міндеттейтін Чикаго конвенциясының мандатын орындау болып табылады.

Формальдылықты оңайлату департаментінің директоры Нұржан Малаев өз баяндамасында ИКАО 9 қосымшасының стандарттары мен ұсынылатын практикасын табысты іске асыру үшін халықаралық рейстерге қызмет көрсетуге қатысатын барлық мүдделі тараптардың тиімді өзара іс-қимылы талап етілетінін атап өтті. Ведомствоаралық комиссияның алаңы әуежайларды немесе әуе кемелерін пайдаланушылардың мәселелерін ғана емес, сонымен қатар шекара және кеден қызметінің мәселелерін, сондай-ақ санитарлық-эпидемиологиялық қызметке қатысты мәселелерді талқылауға мүмкіндік беретіні атап өтілді.

Қазақстанның авиациялық әкімшілігінің Халықаралық азаматтық авиация ұйымымен (ИКАО) тығыз өзара іс-қимылының арқасында екі жыл бойы Қазақстан Республикасына өтеусіз негізде "Формальдылықты оңайлату"

9 қосымшасы бойынша оқудан өту үшін 12 орын бөлінді. Тегін оқыту Авиациялық әкімшілік, шекара және кеден қызметі, Сыртқы істер министрлігі, Денсаулық сақтау министрлігі, Төтенше жағдайлар министрлігі, Эйр Астана, Скат, Қазақ эйр авиакомпаниялары, сондай-ақ Астана және Алматы қалаларының әуежайлары арасында бөлінеді. Оқу аяқталғаннан кейін барлық қатысушыларға халықаралық сертификаттар беріледі.

Сонымен қатар, кеңеске қатысушыларға 2023 жылы Түркістан қаласында өтетін жолаушыларды сәйкестендіру бағдарламасы (TRIP) бойынша алдағы 18 Симпозиум мен көрме туралы хабарланды. Бұл іс-шараға 100-ден астам шет мемлекеттердің, ИКАО, ИАТА, ACI өкілдері, сондай-ақ жолаушыларды сәйкестендіру бойынша заманауи технологияларды ұсынатын басқа да жетекші ұйымдар қатысады деп күтілуде.