Батыс Қазақстан облысының іздестіру-құтқару аймағында ұшуды іздестіру-құтқару жұмыстарын қамтамасыз ету бойынша үйлестіру жаттығулары сәтті өтті. Іс-шара Қазақстан Республикасында іздестіру-құтқару ұшуларын қамтамасыз ету бойынша оқу-жаттығуларды өткізудің Жылдық жоспарына сәйкес ұйымдастырылды.

Оқу-жаттығулардың сценарийі бойынша бортында ұшқыш пен бес жолаушы бар аэровизуалды ұшуды орындайтын тікұшақтың Орал қаласынан 90 шақырымнан астам қашықтықта апатты жағдайда қонуы кезінде оқу-жаттығуларға тартылған барлық қызметтер мен бөлімшелердің іс-қимылдарын жаттықтыруды қамтыды.

Оқу-жаттығуларға Орал қаласында орналасқан «Қазавиақұтқару» АҚ іздестіру-құтқару ұшақтарының әзірлігін тексеру, іздестіру-құтқару ұшағымен болжамды апат аймағында визуалды іздестіру жұмыстарын жүргізу, тікұшақтан апаттық-құтқару тобын түсіру және имитацияланған зардап шеккендерді эвакуациялау, өрт сөндіру қызметінің жерүсті топтарын, апаттық-құтқару қызметінің медициналық және территориялық құрылымдарын тарту кірді. Батыс Қазақстан облысының Төтенше жағдайлар департаменті операцияның барлық кезеңдерінде оқу-жаттығуға қатысушылардың өзара әрекеттесуі мен байланыс алгоритмдерін жаттықтыруда.

Іс-шара нәтижесінде барлық «зардап шеккендер» жедел эвакуацияланып, Ақсай және Теректі қалаларындағы медициналық мекемелерге жеткізілді.

Оқу-жаттығулардың өту барысын Қазақстан Республикасы мен Ресей Федерациясының авиациялық билік органдарының өкілдері, оның ішінде Әуе көлігі федералдық агенттігінің Еділ бойындағы авиациялық іздестіру-құтқару орталығының мамандары бақылады.

Жаттығулар басшылығы Орал қаласы Төтенше жағдайлар департаменті мен Батыс Қазақстан облысы Төтенше жағдайлар департаменті бөлімшелері мамандарының дайындығының жоғары деңгейін атап өтті. Бөрлі және Теректі аудандық ауруханаларының қызметкерлері де іс-шара кезінде «зардап шеккендерге» медициналық көмек көрсетіп, жедел және кәсіби түрде жұмыс істеп, жоғары баға алды.