15 сәуірде "Қазақстанның авиациялық әкімшілігі" АҚ кеңсесінде әуе компаниялардың (Эйр Астана, Скат), "Қазаэронавигация" РМК-ның, тірі табиғатты бақылау саласындағы сарапшылардың, ұшуды орнитологиялық қамтамасыз ету бойынша мамандарды даярлау жөніндегі оқу орталықтарының, әуеайлақтарды пайдаланушылардың (Алматы, Нұр-сұлтан, Шымкент, Ақтау, Атырау, Орал, Көкшетау, Тараз және т.б.) қатысуымен Үйлестіру кеңесінің кезекті кездесуі өтті.

Кездесу барысында 2021 жылы орнитологиялық қамтамасыз ету бойынша қызметтің нәтижелілігі мәселелері, 2022 жылға арналған ұшу қауіпсіздігінің жай-күйін жақсарту жөніндегі жоспарлар талқыланды. Әуежай мамандары әуеайлақ аумағынан құстар мен жануарларды аулаудың, үркітудің түрлі құралдары мен әдістерін қолдану тәжірибесімен алмасты, тірі табиғатты бақылау және оның әуежайларда ұшу өндірісіне теріс әсерін азайту саласындағы үздік әлемдік тәжірибені қолдану талқыланды.

Үйлестіру кеңесі "Эйр Астана" АҚ-ның белсенді ұстанымының арқасында ұйымдастырылды, ол Кеңес жұмысына қатысып қана қоймай, ҚР-дағы ұшу қауіпсіздігінің жай-күйін арттыру үшін авиациялық Орнитология саласындағы халықаралық сарапшыларды шақырады. 2022 жылдың мамыр айының соңында "Эйр Астана" АҚ әуежай қызметкерлері үшін семинар-практикум өткізу үшін Еуропадан келген мамандардың ҚР-ға кезекті сапарын жоспарлап отыр.

Құстар мен жануарлар тудыратын проблемалар бойынша Үйлестіру кеңесі 2020 жылдың қыркүйегінде "Қазақстанның авиациялық әкімшілігі" АҚ негізінде ИКАО ұсынымдарына сәйкес ҚР-да әуе кемелерінің құстармен және жануарлармен соқтығысу қаупін азайту үшін ұсынымдар әзірлеу мақсатында әуежайлардың, әуе компаниялардың, "Қазаэронавигация" РМК-ның, авиациялық орнитология саласындағы сарапшылардың қатысуымен құрылды.