Өзара түсіністік туралы Меморандумға Қазақстанның авиациялық әкімшілігі мен iPADIS арасында азаматтық авиацияға қызығушылық тудыратын мәселелер бойынша ынтымақтастық үшін негіз құру және күш-жігерді үйлестіруді жақсарту мақсатында қол қойылды.

Тараптар ұшу қауіпсіздігі, аэронавигациялық әлеует пен тиімділік, авиациялық қауіпсіздік және рәсімдерді оңайлату, әуе көлігін экономикалық дамыту және қоршаған ортаны қорғау, сондай-ақ авиацияны дамытуға, орнықтылыққа, инновацияларға, әлеует пен әлеуметтік жауапкершілікті арттыруға жәрдемдесу саласында тығыз ынтымақтастық орнатуға ниетті.

"Қазақстан Республикасы Азаматтық авиация секторын дамыту жөніндегі өз міндеттемелерін нығайтады және Қазақстанның авиациялық әкімшілігі iPADIS сияқты негізгі ойыншылармен серіктестігімізді кеңейте отырып, авиация секторына оң әсер ететін инновациялық идеяларды әзірлеуге және енгізуге ұмтылады", – деп атап өтті Қазақстанның авиациялық әкімшілігінің бас директоры Каталин Раду.

"Мен Қазақстанның авиациялық әкімшілігінің экологиялық тұрақтылық, инновациялық технологиялар, оқыту және әлеуетті арттыру бағдарламалары, сондай-ақ жастарды дамыту, гендерлік теңдік, жолаушылар құқығын қорғау және әуе тасымалының жалпыға бірдей қолжетімділігі сияқты маңызды салаларда әуе көлігінің болашағын қалыптастыруға көмектесу арқылы iPADIS-пен тығыз жұмыс істеуге деген ұмтылысына қуаныштымын", - деп түсіндірді iPADIS негізін қалаушы, президенті, доктор Олумуйива Бенард Алиу.

Анықтама:

iPADIS – әлемдік авиация саласындағы оң өзгерістерді тиімді қорғау үшін құрылған мемлекеттік және жеке сектор серіктестігінің халықаралық үкіметтік емес ұйымы. Оның негізгі міндеті – халықаралық, аймақтық және ұлттық деңгейдегі авиация саясаты мен бағдарламалары пайдаланушылардың пікірлері мен мүдделерін ескеріп, азаматтық қоғамның қажеттіліктері мен үміттерін қанағаттандыру. Ұйым коммерциялық емес негізде жұмыс істейді, тәуелсіз және саяси, идеологиялық немесе басқа да арнайы мүдделерді көздемейді. IPADIS штаб-пәтері Канаданың Монреаль қаласында орналасқан.