Римде (Италия) JARUS ұшқышсыз авиация саласындағы ережелерді әзірлеу жөніндегі бірлескен комитеттің пленарлық отырысы өтті. Іс-шараның негізгі мақсаты ұшқышсыз авиациялық жүйелерді реттеу мен дамытуды үйлестіруге байланысты түрлі тақырыптарды талқылау болды. Отырысқа реттеуші органдарды, мемлекеттік мекемелерді және салалық сарапшыларды қоса алғанда, түрлі ұйымдардың өкілдері қатысты.

Іс-шара барысында пилотсыз авиация индустриясының қазіргі жағдайы, бар проблемалар мен мүмкіндіктер, сондай-ақ қауіпсіз, тиімді және біріздендірілген операцияларды қамтамасыз ету үшін құрылуы тиіс нормативтік-құқықтық база талқыланды.

Біздің еліміздің атынан Қазақстанның авиациялық әкімшілігі реттеу саласындағы проблемалар мен жоспарлардың ағымдағы жай-күйі туралы ақпарат ұсынды. Қазақстан өкілдері басқа реттеуші органдармен және сала мамандарымен пікірталастарға қатысты. Қатысу саланың даму перспективалары мен мүмкіндіктері, сондай-ақ ұшқышсыз авиациялық жүйелерді реттеуді халықаралық үйлестіру үшін озық практика мен нормативтік-құқықтық база туралы құнды ақпарат алуға мүмкіндік берді.

JARUS-ұшқышсыз авиациялық жүйелер үшін стандарттар мен ережелерді әзірлеу және келісу үшін реттеушілерді, салалық сарапшыларды және басқа да мүдделі тараптарды біріктіретін коммерциялық емес халықаралық ұйым.