"Қазақстанның авиациялық әкімшілігі" АҚ, "Алматы халықаралық әуежайы" АҚ қызметкерлері, сондай-ақ Қазақстан Республикасының Канададағы елшілігінің өкілдері құрамындағы қазақстандық делегация Халықаралық азаматтық авиация ұйымының (ИКАО) жолаушыларды сәйкестендіру бағдарламасы (TRIP) бойынша он сегізінші симпозиумға, сондай-ақ биометрика бойынша ИКАО мен Халықаралық қылмыстық полиция ұйымының (Интерпол) бірлескен форумына қатысты. Іс-шаралар 2023 жылдың 12-14 қыркүйегінде Монреальдағы ИКАО штаб-пәтерінде өтті.

TRIP симпозиумы жолаушыларды сәйкестендіру процесін басқарудың барлық аспектілері бойынша ақпарат алмасуға мүмкіндік беретін әлемдік деңгейдегі іс-шара болып табылады. Оның әртүрлі отырыстарында жолаушылар үшін сапарларды жеңілдетуде және Халықаралық азаматтық авиация алдында тұрған көптеген қауіптерге қарсы тұруда халықаралық ынтымақтастық пен өзара іс-қимылды нығайту қажеттілігіне ерекше назар аударылды.

Он сегізінші TRIP симпозиумы аясында Қазақстанның авиациялық әкімшілігі бас директорының авиациялық қауіпсіздік жөніндегі орынбасары Дархан Еспотанов бастаған қазақстандық делегация Монреальдағы ИКАО кеңсесінің өкілдерімен ИКАО Әуе көлігі бюросының авиациялық қауіпсіздік және формальдылықты жеңілдету жөніндегі директорының орынбасары Сильвэн Лефуайемен кездесу өткізді. Кездесу 2023 жылғы 6-8 желтоқсанда Алматыда өтетін TRIP аймақтық симпозиумына дайындық мәселелерін талқылауға арналды. Кездесу барысында қазақстандық тарап TRIP аймақтық симпозиумын өткізуге дайындығын растады және осы іс-шараның алдын ала бағдарламасын талқылады.

Сондай-ақ, симпозиум барысында ИКАО-ның жолаушыларды сәйкестендіру жөніндегі техникалық консультативтік тобы (TAG/TRIP) басқаратын әлеуетті енгізу және арттыру жөніндегі жұмыс тобының жетекшісі Дион Чемберлен мырзамен кездесу өткізілді. Чемберлен мырза 2023 жылғы 4-5 желтоқсанда Алматыда әлеуетті енгізу және арттыру жөніндегі жұмыс тобының кеңесін өткізгенін растады. Аталған кеңесте ИКАО-ға қатысушы түрлі елдердің сарапшыларынан Басқа, іс-шараға ҚР ҰҚК Шекара қызметі, ҚР ІІМ Көші-қон қызметі комитеті, ЦДИАӨМ сияқты Қазақстан Республикасының мемлекеттік органдарына қатысуға мүмкіндік беріледі. Халықаралық сарапшылар TRIP стратегиясының сәйкестікті растау, машинамен оқылатын жол жүру құжаттары (ШОБ), құжаттарды беру және бақылау, тексеру жүйелері мен құралдары, интероперабельді ақпараттық жүйелер сияқты негізгі элементтеріне қатысты мәселелерді талқылайды.

TRIP стратегиясын іске асыру үшін нормативтік база Халықаралық азаматтық авиация туралы конвенцияға формальдылықты оңайлату 9-қосымшасының ережелері болып табылатынын атап өту қажет. Нарықтағы жаңа техникалық құралдармен ұштастыра отырып, 9-қосымшаның ережелерін имплементациялау формальдылықты жеңілдету және TRIP стратегиясын іске асыру технология мен инновация арқылы жолаушылардың ұтқырлығын арттыра отырып, жолаушыларға қызмет көрсету сапасын жақсартуға қол жеткізуге мүмкіндік береді.