"Қазақстанның авиациялық әкімшілігі" АҚ Маңғыстау іздестіру және құтқару ауданында шартты апатқа ұшыраған әуе кемесінің экипажын іздестіру және құтқару бойынша үйлестіру жаттығуларын өткізді.

Оқу-жаттығуға "Қазаэронавигация" Ақтау филиалы қызметінің және Іздестіру-құтқару жұмыстарын үйлестіру орталығының мамандары, Ақтау әуеайлағының авариялық-құтқару командасы, Еврокоптер-145 тікұшағының экипажы және "Қазавиақұтқару" АҚ өкілдері, сондай-ақ Бейнеу елді мекеніндегі "Дала Эйр" әуе компаниясының Бо-105 тікұшағының экипажы қатысты.

Оқу-жаттығулардың аңызына сәйкес күндіз Атырау – Ақтау бағыты бойынша келе жатқан әуе кемесінен белгісі әуе жағдайының көрсеткіштерінен жоғалып кетті, экипаж қолда бар байланыс арналары арқылы диспетчерлердің шақыруларына жауап бермеді. ӘҚҚ қызметінің диспетчерлері іздестіру-құтқару жұмыстарын үйлестіру орталығына хабарлады, орталық қажетті күштер мен құралдарды (Еврокоптер-145 және Бо-105), сондай-ақ болжамды іздестіру орнын анықтады. Ақтау әуеайлағынан авариялық-құтқару командасымен "Қазавиақұтқару" АҚ кезекші тікұшағы көтерілді, Бо-105 тікұшағы кезекшілікте болды. Іздестіру ауданына шыққаннан кейін экипаж болжамды оқиғаның орнын анықтау үшін галсирлеу техникасын қолданды. Барлық өзара әрекеттесуші тараптардың үйлесімді жұмысының арқасында оқиға орны тез анықталып,  "шартты түрде зардап шеккен жолаушы" тікұшақпен Ақтау әуеайлағына әрі қарай қаланың емдеу мекемелеріне тасымалдау үшін жеткізілді.

Өткізілген оқу-жаттығудың нәтижелері бойынша қатысушы қызметтердің мамандарымен брифингтер өткізілді.