1991 жылғы 1 ақпанда Алматы қаласының әуежайында Қазақ КСР Алматы авиациялық жасағы командирінің бұйрығымен елімізде алғаш рет авиациялық қауіпсіздік қызметі (АҚҚ) құрылды. Бірінші авиациялық қауіпсіздік қызметінің құрылуының 30 жылдық мерейтойы қарсаңында және авиациялық қауіпсіздік жөніндегі республикалық кеңеске қатысушылардың 2019 жылдың 24 желтоқсандағы шешіміне сәйкес, АҚҚ қызметінің маңыздылығын көтермелеу және тану мақсатында “Қазақстанның авиациялық әкімшілігі” АҚ Бас директорының бұйрығымен, әр күнтізбелік жылдың 1 ақпаны авиациялық қауіпсіздік қызметінің ардагерлері мен қазіргі қызметкерлерін құрметтеу күні болып белгіленді. Қазіргі уақытта әуежайлар мен тұрақты әуе тасымалдарын орындайтын әуе компаниялар, сондай-ақ аэронавигациялық қызметтерді жеткізушілердің құрылымында азаматтық авиацияны заңсыз араласу актілерінен қорғауды қамтамасыз ететін, техникалық құралдармен және кадр құрамымен жасақталған, саны 2 500-ден астам маманның біріккен құрылымы, әуежайлардың барлық бөлімшелерінің ең көп қызметі болып табылатын АҚҚ-ға ие.

Азаматтық авиацияның АҚҚ қалыптастыру кезеңінде Қазақстан Республикасының авиациялық қауіпсіздік саласындағы бірқатар нормативтік құқықтық актілері әзірленді және енгізілді.

Жалпы алғанда, Қазақстанда авиациялық қауіпсіздікті қамтамасыз етудің құрылған жүйесі озық халықаралық талаптар мен стандарттарға сәйкес келеді. 2017 жылдың қарашасында Қазақстанның Азаматтық авиация комитеті Халықаралық азаматтық авиация ұйымының (ИКАО) авиациялық қауіпсіздік жөніндегі аудитінен сәтті өтті. Оның қорытындысы бойынша Қазақстан айтарлықтай жоғары көрсеткіштерді көрсетті – 83%, бұл әлемдік орташа көрсеткіштен 11% – ға жоғары (72%) және 2009 жылы өткен соңғы аудиттен 21% – ға жоғары (62%). Ардагерлер мен авиациялық қауіпсіздік қызметінің қазіргі қызметкерлеріне құрмет көрсету күні белгіленуі кәсіби, корпоративтік және командалық рухтың дамуына, сондай-ақ қызметкерлердің тұрақты әлеуметтік деңгейіне серпін береді.