2023 жылғы 6 желтоқсанда Алматы қаласында ҚР Көлік министрлігінің, Азаматтық авиация комитетінің және Қазақстанның авиациялық әкімшілігі қолдауымен ИКАО Халықаралық азаматтық авиация ұйымының қолдауымен өтетін TRIP жолаушыларды сәйкестендіру бағдарламасы бойынша аймақтық симпозиум жұмысын бастады.

TRIP аймақтық симпозиумының ашылу салтанатында Қазақстан Республикасының Көлік вице-министрі Талғат Ластаев және Халықаралық азаматтық авиация ұйымының (ИКАО) Авиациялық қауіпсіздік және формальдылықты оңайлату секторы директорының орынбасары Сильвэн Лефуайе, сондай-ақ ИКАО-ның бұрынғы Бас хатшысы Реймонд Бенджамин сөз сөйледі.

ҚР Көлік вице-министрі Талғат Ластаев өз сөзінде Қазақстанның авиациялық билігі азаматтық авиацияның қауіпсіз дамуын және әуе транзитінің тартымдылығын арттыруды қамтамасыз етуге ұмтыла отырып, Қазақстанда азаматтық авиация саласын басқарудың жаңа тәсілдерін енгізу және ұшу қауіпсіздігінің әлемдік стандарттарға сәйкестігі деңгейін арттыру бойынша белсенді жұмыс жүргізіп жатқанын атап өтті. TRIP (Traveller Identification Programme) – аймақтық симпозиумы алғаш рет Қазақстанда өткізіліп отыр және жолаушыларды сәйкестендіру процесін басқарудың барлық аспектілері бойынша ақпарат алмасуға мүмкіндік беретін әлемдік деңгейдегі іс-шара. 

ИКАО авиациялық қауіпсіздік және формальдылықты жеңілдету секторы директорының орынбасары Сильвэн Лефуайе формальдылықты жеңілдету бағыты бүгінде ИКАО Кеңесінің маңызды басымдықтарының бірі дейді. Осыған байланысты ИКАО-ның 9-қосымшасының 75-жылдығын мойындау және маңыздылығының белгісі ретінде 2024 жылды формальдылықты жеңілдету жылы деп жариялау туралы шешім қабылданды.

Іс-шараның негізгі бағыты технология мен инновация арқылы жолаушылардың ұтқырлық деңгейін арттыруға бағытталған. Іс-шараға қатысатын барлық мемлекеттік шенеуніктер, сондай-ақ азаматтық авиация субъектілері ИКАО-ның жолаушыларды сәйкестендіру бағдарламасы (TRIP) және онымен байланысты кездесулер туралы, мысалы, ИКАО-ның trip техникалық консультативтік тобы (TAG / TRIP)және тиісті жұмыс топтары-жаңа технологиялар бойынша жұмыс тобы (NTWG) және әлеуетті іске асыру және арттыру жөніндегі жұмыс тобы (ICBWG). Сонымен қатар симпозиумға қатысушылар осы отырыстарға қатысуға тарту және оларға өз үлестерін қосу мақсатында ИКАО-ның ашық кілттер каталогы (PKD) кеңесімен танысады.

Іс-шара бағдарламасы шеңберінде үш күн ішінде ИКАО-ның TRIP стратегиясының бес элементімен тікелей байланысты 10 сессия өткізу жоспарланған. Атап айтсаққ, сәйкестікті растау, машинамен оқылатын жол жүру құжаттары, құжаттарды беру және бақылау, тексеру жүйелері мен құралдары, өзара толықтырылатын ақпараттық жүйелер.

TRIP симпозиумының жұмысына Канада, Франция, Швейцария, Түркия, Катар, Сингапур, Америка Құрама Штаттары, Қытай, Сауд Арабиясы, Австралия, Румыния, Жаңа Зеландия, Германия, Ресей Федерациясы, Әзірбайжан, Армения және т. б. 30 елден ұсынылған 280-ден астам қатысушы қатысатынын атап өткен жөн.

Симпозиумға Халықаралық көші-қон ұйымы (IOM), халықаралық әуежайлар кеңесі (ACI), халықаралық әуе көлігі қауымдастығы (IATA), БҰҰ-ның босқындар жөніндегі жоғарғы комиссарының кеңсесі (UNHCR), Интерполдың Бас хатшылығы, Халықаралық қылмыстық полиция ұйымы, және Еуропалық шекара және жағалау күзеті агенттігі (FRONTEX), сондай-ақ Қазақстан Республикасында ұсынылған шетелдік әуекомпаниялар қатысуда.

Іс-шараға Қазақстан тарапынан мемлекеттік органдардың (ҚР Ұлттық қауіпсіздік комитетінің Шекара қызметі, ҚР Ішкі істер министрлігінің Көші-қон қызмет комитеті,  ҚР Цифрлық даму, инновациялар және аэроғарыш өнеркәсібі министрлігі), ҚР әуежайларының және отандық әуе компаниялардың өкілдері қатысады.

TRIP өңірлік симпозиумының бірінші күні үш панельдік сессия өтеді: формальдылықты оңайлату мәселелеріндегі ICAO рөлі мен құзіреті, әуе тасымалы кезінде формальдылықты оңайлатудың ұлттық бағдарламаларын іске асыру және ұлттық жеке тұлғаны сәйкестендіруді басқарудың жетілдірілген тәжірибелерін қолдау.

Екінші күні төрт панельдік сессия өтеді: ИКАО машинадан оқылатын құжаттар стандарттары мен сипаттамалары, құжаттарды беру және бақылау, шекаралық бақылау: тексеру жүйелері мен құралдары және өзара әрекеттесетін қосымшалар және ИКАО әлеуетті арттыру және мемлекеттерге қолдау көрсету.

Соңғы күні үш панельдік сессия өткізіледі: шекараны басқару: жолаушылар туралы ақпарат пен деректерді бөлісуге арналған озық платформа және техникалық инновациялар және шекараны басқарудың болашағы; DOC 9303 жаңа сипаттамалары және оларды енгізу мерзімдері бойынша воркшоп.