2022 жылы азаматтық авиация саласы ұшу қауіпсіздігі деңгейін одан әрі жоспарлы арттыру және негізгі мақсаттарға қол жеткізу бойынша белсенді жұмысты жалғастыруда. Өткен жыл сала үшін бірқатар маңызды оқиғалармен ерекшеленді.

Еурокомиссияның Қазақстандағы ұшу қауіпсіздігі деңгейін оң бағалауы маңызды жетістіктердің бірі болып табылады. Ағымдағы жылдың қазан айындағы техникалық кездесуде Еуропалық Комиссия өкілдері бүгінгі таңда қазақстандық әуекомпанияларда Еурокомиссияның ұшу қауіпсіздігі тізіміне ("қара тізім") және Еуропаға ұшуға қандай да бір шектеулер енгізу бойынша қауіптер жоқ екенін растады.

ИКАО Ассамблеясының 41-ші сессиясы шеңберінде ИКАО Бас хатшысы Қазақстанда азаматтық авиацияны реттеудің еуропалық моделін енгізуді жоғары бағалады және қолдады және бұл ИКАО қауіпсіздік стандарттарына толық сәйкес келетін әлемдегі ең озық және ең тиімді тәсілдердің бірі болып табылатынын атап өтті. Қазақстан ИКАО стандарттарына 84% сәйкестікке қол жеткізді.

Биыл Қазақстанның ИКАО-ға мүше болғанына 30 жыл. 1992 жылғы 2 шілдеде "Халықаралық азаматтық авиация туралы конвенцияны ратификациялау туралы" ҚР Жоғарғы Кеңесінің қаулысына қол қойылды.

Өткен жылы Қазақстан авиаторлары жоғары жұмыс нәтижелерін көрсетті, бұл жолаушылар тасымалының өсуінен көрінеді. Ағымдағы жылдың 10 айында қазақстандық әуекомпаниялар 8,9 млн жолаушы тасымалдады, 2021 жылдың сәйкес кезеңінің көрсеткішінен 16%-ға жоғары (7,7 млн жолаушы). Атап айтқанда, "Air Astana" компаниясының жолаушылар ағыны шамамен 3,4 млн жолаушы, "FlyArystan"-да шамамен 2,6 млн жолаушы, "SCAT" - 2,4 млн жолаушы және "Qazaq air" - 0,5 млн жолаушы құрады.   

Әуе тасымалдарына сұраныстың арту фактісін ескере отырып, қазақстандық әуе кемелерінің паркі 2025 жылға дейін 51 бірлікке толықтырылады деп жоспарлануда.

2022 жылы отандық әуе компаниялардың паркі 10 жаңа ұшақпен толықты. Атап айтқанда, SCAT әуе компаниясының әуе кемелерінің паркі 5 ұшақпен, Fly Arystan – 3, Air Astanа – 2 ұшақпен толықты. Жыл соңына дейін тағы 4 жаңа ұшақ пайдалануға беріледі. Отандық әуекомпаниялар паркін жаңарту рейстердің кешігу санын азайтуға, тасымалдау сыйымдылығын арттыруға, жолаушыларға қызмет көрсету сапасын жақсартуға, сондай-ақ қазақстандық әуе тасымалдаушылардың ұшу географиясын кеңейтуге мүмкіндік береді.

Қазіргі уақытта қазақстандықтар әлемнің 29 еліне тікелей рейстермен ұша алады. Ішкі әуе рейстерді аптасына 687 рейс жиілігімен 57 бағыт бойынша 5 отандық әуе компания орындайды.

Ағымдағы жылы "NEOS" әуекомпаниясымен Алматы – Милан, "Эйр Астана" әуекомпаниясымен Алматы – Ираклион, "Vietjet Air" әуекомпаниясымен Алматы – Нха Транг, "Jazeera Airways" әуекомпаниясымен Түркістан – Кувейт, "AnadoluJet" әуекомпаниясымен Алматы – Анкара және Астана – Анкара және "Pegasus Airlines" әуекомпаниясымен Алматы – Анкараб, Алматыдан Сургутқа, Тюменьге және Новосибирге, сондай-ақ Астанадан Санкт-Петербургке жаңа бағыттары ашылды, "Түрікменхаваеллары" әуекомпаниясы Алматыдан Ашхабадқа әуе рейстерді қалпына келтірді.

Ақтау мен Шымкенттен Анкараға, Алматы мен Ақтаудан Мединаға, Астанадан Нячангқа 25 желтоқсаннан бастап, Астанадан Бакуге және Шымкенттен Душанбеге 2023 жылғы көктемгі-жазғы навигация кезеңінде рейстер ашылады деп күтілуде.

Сонымен қатар, "Air Seychelles" әуекомпаниясы 26 желтоқсаннан бастап Қазақстан мен Сейшел аралдары арасында Алматы – Маэ бағыты бойынша рейстер ашуды жоспарлап отыр.

Сондай-ақ, Астана, Алматы, Ақтау, Түркістан және Атыраудан Ыстамбұлға, Астана мен Алматыдан Антальяға, Алматыдан Баку, Тбилиси, Пхукет және Малеге рейстердің ұлғаюы күтілуде.

Қазақстандық әуекомпаниялар Пәкістанға Астана мен Шымкенттен Карачиге рейстер ашып, Үндістанға Алматы - Дели бағыты бойынша, Қытайға Алматы – Чэнду бағыты бойынша, Ұлыбританияға Алматы - Лондон бағыты бойынша орындалатын рейстер санын ұлғайтуды жоспарлап отыр.

2023 жылғы көктемгі-жазғы навигация кезеңінен бастап Алматыдан Бодрум, Батуми, Ираклион, Подгорицаға және Астанадан Тбилиси мен Подгорицаға маусымдық рейстердің қайта басталатынын атап өткен жөн. Бұдан басқа, Астана – Бішкек, Ақтау – Ереван, Алматы – Самарқанд, Шымкент – Кутаиси бағыттары бойынша рейстер қайта басталады деп күтілуде.

2023 жылдың көктемгі-жазғы навигациясынан бастап "Air Asia X" әуекомпаниясы Куала-Лумпурдан Алматыға, "Thai Air Asia" әуекомпаниясы Бангкоктан Алматыға рейстерді ашуды жоспарлап отыр.

Азаматтық авиация комитеті рейстерді кешіктіру кезінде жолаушылардың құқықтарын бұзғаны үшін әуе тасымалдаушыларды жауапқа тарту бойынша жұмысты жалғастыруда.  Рейстердің кешігуі кезінде жолаушылардың құқықтарының бұзылуына, сондай-ақ әуе көлігімен тасымалдаудың халықаралық ережелерінің бұзылуына байланысты қазақстандық әуекомпаниялар 8 100 айлық есептік көрсеткіш (24 810 300 теңге) мөлшерінде айыппұл түрінде 10 рет әкімшілік жауапкершілікке тартылды.

2022 жылы Қазақстанның азаматтық авиация саласындағы халықаралық стандарттарға сәйкестік деңгейін арттыру бойынша жұмыс жалғастырылды.

Авиациялық билік халықаралық әуе көлігі қауымдастығы (IATA), халықаралық әуежайлар кеңесі (ACI), iPADIS сияқты бірқатар халықаралық ұйымдармен Ынтымақтастық туралы меморандумға қол қойды. Бұл келісімдер жаһандық деңгейде саламен ынтымақтастық пен әріптестікті жақсартудың және отандық авиацияның беделін нығайтудың тағы бір қадамын білдіреді.

Халықаралық ынтымақтастықты нығайта отырып, Қазақстанның авиациялық әкімшілігі Ирландияның авиациялық басқармасымен (IAA) Халықаралық азаматтық авиация саласында ақпараттық қызметтер көрсету туралы келісімге, Румынияның азаматтық авиация басқармасымен техникалық ынтымақтастық туралы келісімге, Boeing-пен ынтымақтастық туралы Меморандумға қол қойды. Жыл соңына дейін Қазақстанның авиациялық әкімшілігі EASA және FAA-мен Техникалық ынтымақтастық туралы меморандумға қол қоюды жоспарлап отыр.

Қазақстан мен АҚШ арасында тікелей рейсті ашу жөніндегі жұмыс шеңберінде АҚШ Көлік қауіпсіздігі әкімшілігімен ынтымақтастықты кеңейту жалғасуда. Осы жылдың тамыз айында тексеру пункттерінің жай-күйін және олардың американдық стандарттарға сәйкестігін алдын ала бағалау мақсатында TSA сарапшыларының екінші сапары өтті. Техникалық сапардың нәтижелері бойынша сарапшылар тексеру пункттері мен бақылау-өткізу пункттерінің жағдайына оң баға берді. Авиациялық қауіпсіздік қызметі персоналының үйлесімді жұмысы атап өтілді.

Қазақстан өкілі Еуропа және Солтүстік Атлантика аймағындағы ИКАО авиациялық қауіпсіздік жөніндегі арнайы тобының (ENAVSECG) вице-төрағасы болып сайланды. Бұл лауазымға біздің мемлекетіміздің өкілін сайлау Қазақстанның халықаралық аренадағы мәртебесін арттыруға ықпал етеді және Орталық Азиядағы көшбасшы ретінде авиациялық қауіпсіздік саласындағы ұстанымын нығайтады.

2023 жылы ИКАО бастамасымен Қазақстанда авиациялық қауіпсіздік және Формальдылықты жеңілдету мәселелері бойынша жаһандық симпозиум өткізу жоспарлануда (AVSEC/TRIP-2023).

Нұрсұлтан Назарбаев халықаралық әуежайы Орталық Азиядағы/ТМД-дағы "World Airport Awards" Үздік өңірлік әуежайы болып танылды. Air Astana әуекомпаниясы Орталық Азия мен ТМД-дағы үздік әуекомпания ретінде Skytrax сыйлығын 10-шы рет жеңіп алды. "SCAT" әуекомпаниясы компанияның құрылғанына 25 жыл толуын атап өтті.

Институционалдық шаралардан басқа, 2022 жылы әуежайлардың инфрақұрылымын жаңғырту жұмыстары жалғастырылды. Ағымдағы жылы қайта жаңартудан кейін Үржар және Үшарал әуежайларына сертификаттау жүргізілді.

Орал қаласының әуежайында жаңа жолаушылар терминалы ашылды. Алматы қаласы әуежайының жаңа халықаралық терминалының құрылысы басталып, Шымкент қаласының әуежайында жолаушылар терминалын қайта жаңарту жұмыстары жүргізілуде.

Құрметті сала қызметкерлері! 

Қазақстан авиациялық билігі сізге отандық авиацияның дамуына қосқан баға жетпес үлесіңіз бен жоғары кәсібилігіңіз үшін шын жүректен алғыс сөздерін білдіреді. Сіздің біліміңіз бен тәжірибеңіз, жауапкершілігіңіз бүкіл ел мен әлем бойынша қауіпсіз және жайлы әуе қатынасын қамтамасыз етеді.

Азаматтық авиация саласының барлық қызметкерлері мен ардагерлерін құттықтаймыз, сізге және жақындарыңызға зор денсаулық, бақыт пен амандық, жаңа жоспарлар мен кәсіби табыстар тілейміз.

Халықаралық азаматтық авиация күні құтты болсын!